أدبي

ولإمتى يا قلبي

اخرج من قلبي

وقت النشر : 2021/12/30 12:42:35 PM

ولإمتى يا قلبي
بقلم: ناجح شرقاوي

ولإمتى يا قلبي

عيني فى عينك
من غير ما اتكلم
نسيت إيدي حتى تسلم
والشوق فى ضلوعي بيتألم
وحنيني إليك قايد
بركان جوايا معلم

من كام سنة وانت ناسيني
تشتاقك روحي وعيني
وانت هاجرني
وبايعني وراميني
ناكر حبي ليك
وايامي معاك وسنيني

ولإمتى يا قلبي تحن
والشوق جوايا يئن
لحبيب غدار وتظن
إنه جى بأعذاره وحن
وهو جي يتشفى فيك
ويمن

ارجع ليا يا قلبي وسيبك
وارضى بقدرك وياه ونصيبك
واوعى تقولي تاني حبيبك
لو حبك يوم ما كانش يسيبك
=======

اخرج من قلبي..

اخرج من قلبي
أبعد عن حبي
ما تقولش انت حبيبي
وتسبب تعذيبي

إزاي وانت جارحني
دايما على بالي
وأخبي وتفضحني
وتحكي اللى جرالي
وتقول انت حبيبي
وتسبب تعذيبي
اخرج من قلبي
ابعد عن حبي

ليه لما بشوفك
بنسى اللى عملته
واسرح مع طيفك
بفؤادي اللى ظلمته
يا مسبب تعذيبي
وتقول انت حبيبي
اخرج من قلبي
ابعد عن حبي

أحلفلك راح أنسى
حبك وحنانك
وعيونك وملامحك
وسحرك وجمالك
وغُنا اسمي بشفايفك
بس اخرج من قلبي
وابعد عن حبي
وما تقولش انت حبيبي
وتسبب تعذيبي..
=======

شاهد أيضاً
إغلاق
زر الذهاب إلى الأعلى