هي الكرامة لوحدها
كفيلة تبني لك وجود
والخسه لو طاب لحمها
هتنز جيفا ونار ودود
فبلاش تعاهد الخسيس
في لحظه يلحس كلمته
أول ما يلقى يا دوب بصيص
لعقده توسع زمته
ويبان على أصله الجبان والغدر فجأة يشرعنه
والشتات يقلب كـيان
ويطغوا قال ويتملعنوا
والحبال تقلب أفاعي
والملوك تصبح عبيد
واللي كانما لهش داعي
النهاردة يبقي سيد
والحقوق تدليس تضيع
والشهود يتنكروا
مابين جبان طبعه ووضيع
اللئام بيتشطروا
والحكمة قالت من زمان
….. لو قلبت عليك
تقعد تقلب في اللي كان
واللي فيها تجيبه فيك
