عفويات

عفويات

بقلم: عادل عوف

ما تخريش نفسك الحيرة مش قرار
وعلشان أريحك هعفيك م الاختيار
إزاي أدخل مقارنة وإزاي تسمح لروحك
تقول بعد اللي بينا هعملك اختبار
أنا برة الليلادي ما ليش أنا غير كرامتي
أنا مش حد عادي ياللي ما تعرفش قيمتي
غلطة وبدفع تمنها خطوه ما كنتش ضامنها
وفي حق نفسي عايز أقول إنك جريمتي
خلاص مش دي القضية خلاصة الكلام
بعدك هزعل شوية لكن ما عرفش كام
وإن جايت للحق عايز أعمل جائزة وحوافز
لقلبي يوم ما ينسى ويعرف بعدك ينام
شوف زيي فين تلاقي أنا زيي ما تلاقيش
و حبي اللي أنت عارفه إحساسه ما يتنسيش
هسيبك لليالي وتأنيب الضمير
يا أبو قلب لسة عارف قد إيه ضرير
شايفني عمر جنبه لكن ما حسينيش