أخبار مصر

عفويات

صورة ممدوح الحوتي ممدوح الحوتي أرسل بريدا إلكترونيا 18/11/2023 17:44:32آخر تحديث: 18/11/2023 17:44:32
أقل من دقيقة

عفويات

بقلم: عادل عوف

خلقة ربنا وما فيش حاجة
ساكت سرحان فـ الولا حاجة
آدم من قبلك في الدنيا
عاش فترة لوحده فدي العادة
تشغلي بقي روحك بسؤاله
ماهو قاعد أهو ولا على باله
بتمدي ليه إيدك في شواله
قال يعني هتطلع فيها حاجة

راجع من برة وبيراجع
أحداث اليوم ويصنفها
كام مرة بيهاجم ويدافع
في حروب الرزق وأطرافها
منهك م السعي و ألاضيشه
مستسلم له ولتلطيشه
مش ناقص عقلك ولا طيشه
لو قالك إن مفيش حاجة

في الساعة الواحدة 200 مالك
وأهو مرة يجاوب ويطنش
وإن قولتي حظوظي فى إهمالك
وإستنى شوية وما اهتمش
تضغطي بدموعك ونفوذك
تندبي وتمطي قوام بوزك
وتهون العشرة عشان جوزك
أقسم لك إن ما فيش حاجة

الوسوم
صورة ممدوح الحوتي ممدوح الحوتي أرسل بريدا إلكترونيا 18/11/2023 17:44:32آخر تحديث: 18/11/2023 17:44:32
أقل من دقيقة
صورة ممدوح الحوتي

ممدوح الحوتي

زر الذهاب إلى الأعلى
إغلاق

عزيزي العميل انت تستخدم مانع الاعلانات

الرجاء اغلاق مانع الاعلانات لمشاهدة المحتوي