أعلن محمد علاء محلل أداء نادي الزمالك والمترجم للمدير الفني السابق البلجيكي يانيك فيريرا رحيله عن صفوف الفريق.
وكتب محمد علاء على صفحته الشخصية بأحد مواقع التواصل الإجتماعي قائلا : على مدار الرحلة بتشعر أن فيه لحظات صعبة وأوقات من كتر ما هي شاقة تحس أنها مش هتمر، لكن صراحة مفيش شيء صعب ممكن أعيشه في الرحلة دي أصعب من كتابة سطور الوداع ونهاية رحلتي مع الزمالك.
وتابع: وقت خروجي السابق كنت عازم النية أني أستمر في التعلم أكتر وأكتر لحد ما أثقل موهبتي بقدر كافي ومكانش فيه تاريخ محدد للعودة ولا حد للتعلم، كنت مفروض أحس معاه أن ده وقت مناسب للرجوع لكن بعد شهور بسيطة كان عندي فرصة جديدة للرجوع للزمالك وهو شيء مستحيل ما حييت أفكر حتى مجرد تفكير في رفضه وكانت العودة.
وأنهى تصريحاته قائلا: تقبلت كلام من ناس شافتني غير مؤهل وتحملت على مضض تشويه في سمعتي ومهنيتي برغم كل محاولاتي الحفاظ عليهما في كل دور قومت بيه في الفريق طول وقت وجودي في النادي لأن طبيعي لما بتشتغل في بيتك مابتحسبهاش إذا كان ده أساس وظيفتك ولا محتاج تعمل حاجات زيادة لمصلحة الفريق.
