شركة جوجل منزلة تحديث جديد لأداة مسح المستندات في تطبيق جوجل درايف على أندرويد. التحديث ده هيغير طريقتك في تحويل الورق لملفات رقمية بمساعدة الذكاء الاصطناعي اللي بيشتغل بالكامل على موبايلك. ميزة المسح الدفعي الذكي بتخليك تصور مجموعة مستندات ورا بعض في جلسة واحدة من غير ما تضطر تدوس على زرار التصوير لكل ورقة. الكاميرا بتتعرف على الورق وتفصله تلقائياً في ملفات مستقلة. خاصية أفضل لقطة تلقائية هتقضي تماماً على مشكلة الصور المغبشة أو المهزوزة. لأن النظام بيختار أوضح لقطة متصورة ويستبعد الصور ضعيفة الجودة لوحده عشان يوفر وقتك. ميزة كشف التكرار هتحميك من تصوير نفس الصفحة مرتين. والسيستم هيلغي النسخة المكررة تلقائياً علشان ملفاتك تفضل منظمة ومترتبة من غير زحمة. التحديث الجديد بيحافظ على خصوصيتك لأن كل معالجة الصور بتتم محلياً على تليفونك من غير نت. تابع العدد الاول..وعشان كدة جوجل بتشترط موبايل برامات متقلش عن 8 جيجا لتشغيل الميزات دي.
