عفويات بقلم: عادل عوف الوضع أصبح بلا أفية ماشي بالعافية والنية عكرة ومش صافيه والكل جبان الكل عايش يتكفي ملو الكفي وان جيتو للحق ده كفي وزياده كمان والنخوه ضاعت برجالها والخوف طالها و الهمه ماتت أبطالها و فضلوا الجرذان فين العرب الله يعينهم سابوا عارينهم للي وصمهم علي عينهم واجدعهم خان تطبيع وابصر وسياسه شغل نخاسه ملعون ابو كل الساسه حبه نسوان مافيش دكر واحنا نعينه ينصر دينه و يـغير على شرفه وطينه ويكون إنسان الضعف أصبح له عزيمة خلق عظيمة وزي أبطال السيما شكل وألوان بكلام منمق متستف خش وكتف أخوه لعدوه وقام يحلف بأغلظ أيمان إن اللي بحصل 100 نوبة حاجات محسوبة علشان دي أحداث مكتوبه في صحف الرحمن بقي يعني ما نتاش مستكفى ورابط كفي وفي لحمي تقطع وتشفي بـاسم القرآن