البعد بيكشف مين انت
ومكانتك إيه بالنسبه لهم
من غير ما تكلف روحك شئ
ولا حتى تفكر تسألهم
جرب لو تقدر مرة وغيب
شوف مين هيحس ويتأثر
ويتحول بين الكل غريب
قاعد من غيرك بيتحسر
شوف كده ترتيب الناس جواك
كان صح وحسب اهتماماتهم
في ناس للحق ما هيش فارقة
ووجودهم بيشبه لماماتهم
قرر علي مهلك وبشوقك
وبلاش تتجنى وتتسىرع
الناس بتبان حسب الموقف
والإيد اللي اتمدت أسرع
حسب اهتماماتهم هيبان لك
ترتيبك إيه جوا حياتهم
هو انت صحيح غالي عليهم
ولَّا انت دلڤيرى احتياجاتهم