أنا واخد منك موقف وأخدته إزاي ومنين
د أنا كل مواقفي شايلها
دائمًا تحت الرئتين
وعلشانها مواقف جامدة
نفسي دائمًا مقروش
وان كان على رأيي بقوله
في وقته يا لأ ماقولوش
فـ إزاي سهتني واخدته
من غير ما اشعر بك وقتي
دانا طول الوقت في حالي
ومخبي بإيدي ورقتي
ولا عمري في ورقة غيري
بصيت ولمحت إجابة
فـ لبست الشخص وطبعه
ووقفت وقلت أدابا أنا واخد منك موقف
من كتر ماهو عصيب
عايز ارجعه دلوقت
وتجب لي بداله حليب
مع باكوا بسكوت مطحون
و سميط وعسل وزتون
وياريت كبريت مضمون
من أول حكة يـإيد
لـ الموقف لما أخدته
كان نايم قوي علي خده
بسأله أم قال لى ده جده
طول عمره عازب ووحيد
ف فزعت في ودنه يقوم
ويلحلح كدة ويفوّق
أم قال ما تسيبني في حالي
لو قومت أكيد تتخذوق
أنا موقف يشبه عدمه
مربوط من إيده وقدمه
ولأن الموقف خدمه
زعق كام مرة وبوأ
