عفويات بقلم: عادل عوف كام كلمة اتحشرت جوانا ورفضت تتقال كام حضن بنبدأ بيه لقانا وما كانش وصال كام مره أجامل واتجامل واظهر كامل كام مرة أجاوب واتجاوب مسألش سؤال ملعون الخجل اللي بيخرص ويسكتنا وفضول الناس اللي بيفرس ويبكتنا والنظرة اللي تملي بتهرس قوتنا وبيتنا وتلم العاطل بالباطل ويقولوا حلال كام مرة بنضحك بسخافة وحد بيشكي كام مرة حاجاتنا المتشافة تحتاج ذِكرى كام مرة أقولك بـ المرة آخر مرة وارجع واعيدها 200 مره واضحك وابكي كام مرة بتوعد وتحاول بس بتخلف كام مرة عشان حد يصدق لازم تحلف كام مرة تنول كل ثقتهم بعد مناهدة مع ذلك صعب تشوف منهم إحساس منصف ملعون الخجل اللى بيخرص ويسكتنا وسدود موضوعه بإيد فَجَرة على سكتنا واللي بيتحنجل ومأجل ومكلفتنا ويلم العاطل بالباطل علشان موقف
