أنشودة عن الأم

بقلم: محمد ربيع

لما جيت اكتب عنها

    لقيتها أغلى إنسان في الوجود

إزاى أعبر عن مشاعري

   وأنا تفكيري محدود

مش لاقي حروف في اللغة

 توصل المعني المقصود

طويت الورق وشيلت القلم

 الموضوع مالوهش حدود..

وراجعت نفسي وعنيا مليانة بالدموع

ومسكت القلم وكتبت وقلبي كان موجوع

بصيت في حروف الهجاء

  لقيتها بتنادي بصوت مسموع..

وبتقول أحلي حروف الهجاء

 الألف والميم والياء

منقدرش نستغني عنها

 زي الهواء والماء

  إن رضيت هي عنك

يرضى رب السماء..

وصى عليها المولي في كل دين وكتاب

 عند قدميها الجنة أعمل لها ألف حساب

قوم بوس إيديها بسرعة دعاها دايمًا مجاب

لو ماتت مش راضية عنك هتشوف أشد عذاب

 وهتبكي بدل الدموع دماء

وهتتمني تشوفها تاني

 وتطلب منها الدعاء

هتعيش علي طول بتعاني

وتلقي أصعب جزاء

وليه تزعلها أصلاً

 خلي فيه عندك وفاء.