أشاد الإعلامي سيف زاهر خلال ظهوره عبر قناة “أون سبورت” بتحركات الأندية المصرية في سوق الانتقالات الصيفية، مشيرًا إلى أن النادي الأهلي هو “بطل الميركاتو” حتى الآن، بينما أكد في الوقت ذاته أن الزمالك سيكون منافسًا شرسًا في الموسم المقبل.
وقال زاهر: “مش كل فريق جامد لازم يبقى فيه لعيبة جامدين، لكن الأهلي عمل كل حاجة للمدرب ريبيرو، الإدارة وفرت له لبن العصفور، وقالت له: احلم، علشان كده الحساب هيبقى مختلف والجمهور من حقه ينتظر كل شيء”.
لكنه استدرك قائلًا: “ده مش معناه إن الدوري محسوم، بالعكس، الدوري لسه في الملعب والزمالك منافس قوي جدًا، وجون إدوارد المدير الرياضي بيشتغل على الصفقات بعقلانية وميزان، من غير مبالغات مالية”.
وأضاف: “جون إدوارد بدأ يبيع مشروع الزمالك وجمهوره، وبيشتغل بشكل محترم جدًا، في حين إن بيراميدز بيشتغل بهدوء وبيركز في شغله من غير ما يبص حواليه”.
وأكد زاهر على أن المنافسة في الدوري المصري لن تقتصر على الأهلي والزمالك فقط، قائلًا: “لسه عندك المصري، البنك الأهلي، وسيراميكا كليوباترا، كلهم بيجهزوا كويس جدًا، والموسم الجديد هيكون مختلف”.
