في مطعم بمنطقة السلام أول، النيران اشتعلت فجأة.. الأهالي قدروا يطفوها، لكن صاحب المطعم اكتشف إن فيه مبلغ مالي اختفى.
تحريات الداخلية كشفت إن العامل السابق بالمطعم هو اللي ورا اللي حصل.. استنى صاحب المحل لحد ما قفله، فتح الباب الحديد، سرق الفلوس، وسكب بنزين ولع النار علشان يضيع أي دليل.
لكن مباحث القاهرة كانت أسرع.. جابوه واعترف بكل حاجة، وتم ضبط المبلغ المالي المسروق.
الداخلية بتكمل ضرباتها ضد كل من تسول له نفسه العبث بأمن الناس وممتلكاتهم.
