وجه دودو الجباس لاعب بيراميدز رسالة إلى زميله رمضان صبحي بعد صدور قرار من لجنة مكافحة المنشطات بإيقافه لمدة 4 سنوات وأيضا أزمته الأخيرة التي تسببت في حبسه حتى نهاية الشهر القادم.
وكتب دودو الجباس على صفحته الشخصية بأحد مواقع التواصل الإجتماعي قائلا : كلنا بنغلط وكل واحد فينا مر بوقت ضعف محدش كان شايفه علشان كده لازم نفكّر أكتر في دعم بعض بدل ما نزود الحمل.
وأضاف: الوقفة وقت الشدة مش محتاجة انتماء ولا ألوان.. رمضان صبحي، راجل جدع وبني آدم جميل و محترم وكل اللي يعرفه عن قرب عارف قد إيه هو طيب وخير و محبوب من كل اللي حواليه.
وتابع: رمضان من أهم اللعيبه اللي جت مصر في السنين اللي فاتت. واللي زي ده يستاهل منّ كل الناس دعم وسند في الوقت الصعب اللي بيعدي عليه .
وواصل: إحنا واثقين إن القضاء المصري قضاء محترم ونزيه وهيشوف الصورة كاملة ويتعامل مع الموضوع بكل عدل وحكمة زي ما اتعودنا دايما.
وأنهى تصريحاته قائلا : اللهم اجعل هذا البلاء له كفارة ورفعا للدرجات وارزقه الخير في حياته ومسيرته وفرج عنه كل هم وغم.
