عضو بمجلس النواب قدم مقترح جديد ومثير للجدل لحل أزمة الكلاب الضالة في مصر. الاقتراح بيطالب بتصدير الكلاب دي للدول اللي بتحتاجها وبتطلبها، بدل ما يتم التخلص منها بالقتل أو السم. صاحب المقترح وضح إن الكلاب الضالة بتمثل ثروة حقيقية موجودة في الشوارع وممكن نستغلها بشكل اقتصادي ممتاز. ونحقق منها عائد مادي وعملة صعبة للبلد بدل ما تكون مجرد عبء وخطر على المواطنين. البرلماني أشار إلى إن في دول بره زي الصين واليابان بتستورد الكلاب دي وبتستفيد منها وطالب بعمل حصر شامل لأعداد الكلاب الضالة في كل المحافظات وتجهيزها للتصدير بشكل منظم وقانوني. الفكرة دي عملت حالة جدل كبيرة جداً على منصات التواصل الاجتماعي. بين مؤيدين شايفين إنها فكرة ذكية بتنقذ الكلاب من الموت وبتجيب فلوس. ومعارضين شايفين إن تصديرها لبلاد تانية ممكن يعرضها لمعاملة غير إنسانية.
