حوافز حكومية جديدة لدمج العمالة غير المنتظمة في الاقتصاد الرسمي

الحكاية باختصار إن الدكتور مصطفى مدبولي، رئيس مجلس الوزراء.

أعلن النهاردة إن الحكومة بتجهز حزمة حوافز جديدة.

الهدف منها تشجيع العمالة غير المنتظمة على الانضمام لمنظومة التأمينات والحماية الاجتماعية.

عشان يضمنوا توفير أمان مالي وصحي لهم ولأسرهم.

اللي حصل إن الحكومة درست تجارب دولية ناجحة زي تجربة الهند في دمج القطاع غير الرسمي.

وبدأت بالفعل في تكليف الهيئة القومية للتأمين الاجتماعي .

بوضع منظومة معاشات مرنة تتناسب مع طبيعة شغل العمالة دي اللي غالباً بتكون غير مستقرة.

وده عشان نحميهم من مخاطر توقف العمل أو الأزمات الصحية.

في المقابل، “مدبولي” أكد إن الهدف مش فرض ضرائب أو رسوم جديدة على العاملين، بالعكس.

الهدف الأساسي هو مصلحة العامل نفسه ودمجه في الاقتصاد الرسمي عشان يقدر يستفيد من خدمات الدولة.

وكمان عشان يكون عند الحكومة رؤية دقيقة لحجم النشاط الاقتصادي الحقيقي في مصر.

وده بيساعد في تحسين المؤشرات الاقتصادية وقدرة الدولة على التدخل وقت الأزمات.

خطوة زي دي ممكن تفرق كتير في توفير الأمان الوظيفي والاجتماعي لملايين العاملين.

هل بتشوفوا إن توفير تأمين صحي ومعاش مناسب كفاية لجذب الناس للقطاع الرسمي؟