رئيس الوزراء يوضح حقيقة خفض أسعار الوقود ويؤكد: تقلبات أسعار النفط العالمية تفرض الحذر

الحكاية باختصار إن الدكتور مصطفى مدبولي، رئيس مجلس الوزراء.

حسم الجدل بخصوص احتمالية خفض أسعار الوقود.

وأكد إن الحكومة بتتعامل بحذر شديد مع الملف ده وماينفعش تتسرع في أي قرار قبل دراسة اتجاهات الأسواق العالمية بدقة.

اللي حصل إن رئيس الوزراء أشار خلال مؤتمره الصحفي بمدينة العلمين الجديدة، إن لما سعر برميل البترول نزل لمستوى 72 دولار.

كانت فيه مطالبات شعبية بخفض أسعار الوقود، لكن الحكومة فضلت التريث وعدم التسرع.

نظرة الحكومة طلعت في محلها، لأن سعر البرميل رجع وارتفع تاني لمستوى 85 دولار.

وده بيثبت إن تقلبات السوق مش مضمونة وممكن تتغير في وقت قليل.

في المقابل، الحكومة بتشوف إن القرارات الخاصة بأسعار المنتجات البترولية لازم تُبنى على قراءة شاملة ومستقرة للمؤشرات الاقتصادية.

مش بس على تغيرات لحظية أو مؤقتة في الأسعار العالمية، عشان نضمن استدامة المنظومة الاقتصادية.

بعد تأكيد الحكومة على استمرار تقلبات أسعار النفط، إيه توقعاتكم لأسعار الوقود في المرحلة اللي جاية؟