الحكاية باختصار إن الإدارة الأميركية بقيادة دونالد ترامب قررت تفرض رسوم جمركية جديدة على مجموعة كبيرة من الدول. ومن ضمنهم 12 دولة عربية، وده في إطار خطة واسعة لإعادة بناء الجدار الجمركي وحماية السوق الأميركي. الرسوم دي متقسمة لشريحتين، الأولى بنسبة 12.5%. ودي شملت 11 دولة عربية هما مصر، السعودية، الإمارات، البحرين، الكويت، قطر، سلطنة عمان، العراق، الجزائر، ليبيا، والمغرب. أما الشريحة التانية فكانت بنسبة 10%، والأردن هي الدولة العربية الوحيدة اللي وقع عليها الاختيار للنسبة دي. السبب اللي أعلنته واشنطن للخطوة دي هو تحقيق تجاري يتعلق بمعايير مكافحة العمل القسري. حيث اعتبرت الإدارة الأميركية إن الدول اللي خدت نسبة 12.5% مش مستوفية المعايير المطلوبة. في حين إن الدول اللي خدت 10% طبقت إجراءات لكن الإدارة شافت إنها لسه مش كافية. لازم نعرف إن الرسوم دي بتبدأ تتطبق فعلياً من يوم الجمعة اللي جاي. لكن فيه استثناءات مهمة جداً عشان الناس متقلقش على احتياجاتها الأساسية. حيث تم إعفاء واردات الوقود، الأغذية، والأسمدة. بجانب بعض المنتجات التانية زي السيارات والأدوية اللي ليها نظام جمركي خاص بيها أصلاً. الخطوة دي بتعتبر الأوسع من نوعها لترمب بعد ما المحكمة العليا كانت أبطلت رسوم سابقة. والهدف منها تضمن استمرار سياسة حماية التجارة الأميركية من غير أي فجوة زمنية. في رأيكم هل الخطوة دي هتأثر على أسعار السلع المستوردة من الدول دي في السوق المصري ولا الاستثناءات كافية لحماية الأسواق؟
