في كشف علمي جديد ومثير، باحثون في جامعة أوبسالا بالسويد. اكتشفوا إن الشمس مخبية جواها كميات فضة أكتر بكتير من كل التقديرات اللي كانت موجودة قبل كدة. الزيادة دي بتوصل لـ 55%، وده رقم ضخم بيحل لغز كوني كان محير العلماء لمدة 4.6 مليار سنة كاملة. الحكاية باختصار إن العلماء كانوا دايماً بيلاقوا فرق كبير بين كمية الفضة اللي فاكرينها في الشمس. والكمية اللي بنلاقيها في النيازك القديمة، مع إن الشمس والنيازك دي اتكونوا أصلاً من نفس سحابة الغاز والغبار وقت نشأة المجموعة الشمسية. عشان كدة، الفريق البحثي استخدم نماذج رياضية متطورة وأكثر دقة لمحاكاة الغلاف الجوي للشمس. واستعانوا بسوبر كمبيوتر عشان يحللوا "بصمة" الضوء اللي بتخرج من ذرات الفضة. اللي حصل إن النماذج القديمة كانت بتبسط الأمور زيادة عن اللزوم لكن الطريقة الجديدة قدرت تفهم إزاي ذرات الفضة بتتفاعل مع الضوء والجسيمات اللي حواليها بشكل أدق. فطلعت النتيجة متوافقة أخيراً مع اللي بنشوفه في النيازك. الاكتشاف ده مش بس بيحل لغز الفضة. ده كمان بيعتبر مرجع مهم للعلماء عشان يفهموا إزاي العناصر التقيلة زي الفضة والحديد بتتكون جوه النجوم وبتتوزع في مجرتنا عبر مليارات السنين. العلم دايمًا بيفاجئنا إن حتى الحاجات اللي فاكرين نفسنا عارفينها كويس عن الشمس، لسه فيها أسرار مستنية نكتشفها. تفتكروا إيه العنصر التاني اللي ممكن نكتشف مفاجآت عن وجوده في الفضاء الفتره الجاية؟
