العدد الأول في حوار صحفي مع رئيس جامعة النيل الأهلية
حوار: سلوي محمد علي
علي هامش الاحتفالية التي أقيمت بقاعة اجتماعات جامعة النيل الأهلية لتكريم الطلبة المتفوقين بمدينة الشيخ زايد و بحضور قيادات جهاز مدينة الشيخ زايد وأمناء جهاز الشيخ زايد و بحضور نواب جامعة النيل الأهلية
كان لنا هذا اللقاء مع الدكتور وائل عقل رئيس جامعة النيل الأهلية .
بنرحب بالدكتور وائل عقل .. رئيس جامعة النيل الأهلية و اسمحلي يا فندم في طرح الاستفسار عن أن جامعة النيل الأهلية هي جامعة غير هادفة للربح .. النهاردة بنقدم إيه لأبنائنا المتفوقين ؟ .. هل يوجد منح؟ هل يوجد مزايا نستطيع أن نقدمها لهم كنوع من أنواع التشجيع؟
– طبعا احنا أبنائنا من الإعدادية اللي ان شاء الله ربنا يسهل قدامهم سنتين لغاية لما يوصلوا لنا ان شاء الله.
احنا الحقيقة اي متفوق بيجي عندنا بيكون فيه يعني اهتمام كبير جدا من الجامعة؛ اهتمام من النواحي الاجتماعية واهتمام من النواحي التعليمية والثقافية .
–حول استفادة المتفوق من تفوقه أو حاصل الشهادة الثانوية العامة و ماهي آلية التقديم ؟
– إن المتفوقين بيحصلوا علي العديد من المنح الدراسية بداية بمنحة بنسبة 100% بلا أي رسوم وتخفيضات عديدة بنسب متفاوتة وفقا لمجموع كل طالب ، في الواقع نحن نبحث عن المتفوقين لنضعهم علي الطريق الصحيح .
– ما طبيعة الكليات المتاحة في جامعة النيل الأهلية ؟
الحقيقة تضم جامعة النيل العديد من الكليات المعنية بالتكنولوجيات المتقدمة، والجامعة معروفة الحقيقة فهي جامعة أهلية غير هادفة للربح ، و هناك اهتمام بجودة التعليم و وجود أفضل الطرق الحديثة ، و لذلك خريجينا بيشتغلوا في أفضل الأماكن سواء في مصر أو خارج مصر فاحنا بنهتم جدا بالمتفوقين لأنهم يمثلوا سمعة الجامعة كما أنها رسالة الجامعة الحقيقية.
– اعتقد أن مثل هذه السمعة الطيبة للجامعة بالإضافة إلي نسب تميز و الخصومات سبيل قوي للانضمام لهذا الصرح التعليمي الهام ؟
– فعلا طبعا هو ده المستهدف أي متفوق بيتقدم لينا الحقيقة طبعا بنرحب بيه وبيكون له امتيازات كتيرة جدا .
– أعتقد أن أحد هذه الامتيازات اللي احنا لمسناها على أرض الواقع أن إدارة الجامعة بتحدد نسب معينة لدخول الكليات وفقا لنسب التفوق، ودي حاجة أنا شايفاها إنها فعلا داعم رئيسي وحافز هام ان الطالب يسعى إنه يلتحق بجامعة النيل الأهلية.
– ربنا يخليكي .. الجامعة عندنا فعلا عندنا المنح الدراسية بتتراوح من مية في المية إلى عشرين وتلاتين في المية على حسب المجموع والتقدير بتاع المتقدم، وكمان لو هو له تفوق رياضي احنا نهتم جدا بياخد خصومات زي التفوق العلمي .. ولو كان من أبناء العاملين في جامعة النيل كمان بنهتم بيه احنا بنهتم دايما بالقيم المجتمعية والانتماء للمكان. تمام. فيعني ايه الاقربون أولى ثم أولى ثم أولى بعد كدة والمتفوقون أولى من الجميع الحقيقة. صحيح. نتعامل بيه مع كل أبنائنا الطلبة بس هما كلهم ولادنا والله وكلهم بيفرحوا ما شاء الله ربنا يبارك فيهم يا رب. ربنا يبارك في حضرتك.
– هل هناك مجال في التوسعات في أفرع جديدة أو كليات جديدة تم افتتاحها هذا العام و التصاقا مع توجهات القيادة السياسية في التوسعات في إنشاء الجامعات الأهلية و تكون بمثابة بشرى للطلبة و أهاليهم .
-احنا طبعا يوجد خطة للتوسعات في الكليات المختلفة .. وإن شاء الله احنا بنجهزها في القريب العاجل حنعلن عنها سواء أفرع في الكليات أو الكليات الجديدة اللي احنا بنفتحها كليات غير تقليدية بتتعامل مع المواضيع اللي هي حيوية للعالم كله مثلا مايخص البيئة ولها حاجات اللي هو المناخ طبعا والمياه و الطاقة دي مهمة جدا لأن دي الموضوعات الحقيقة اللي هتبقى مواكبة لنهضة بلدنا وضرورية جدا .
– في نهاية اللقاء بنشكرك علي هذا اللقاء الثري و نتمنى لكم مزيد من التقدم والازدهار لخدمة الوطن وأبنائه المتفوقين.
– ربنا يبارك في حضرتك وده دورنا في مد يد العون لأبنائنا المتفوقين واحنا فخورين اننا ساهمنا ولو بجزء بسيط في إسعاد و تكريم أبناءنا المتميزين من مدينة الشيخ زايد .
