أدبي

حكايات

وقت النشر : 2021/12/23 02:48:04 PM

حكايات
بقلم: إيمان عمار

من سكات
كل الحاجات
بيني وبين نفسي
الحكايات

بحكيلي
وأعتب بالساعات
وبعتذر لي
كمان
أوقات
عن أُمنيات

خذلتني
أو خذلتها
كان غصب عني وعنَّها
وأقبل بأي تبريرات

ذات صلة

وأحضن الفرحة اللي هلَّه
قربت أو من بعيد
وأقلقلي حبَّه.. في حُضنها
مش مِنّها
لكنه إحساس ومصاحبني.. بدون ميعاد
في الحزن حتى وقبل منه الانبساط

ما بقتش بستحمل زعل
ما بقاش فيه طاقة للبكا
ودموع معاها هـ يتظلم
ويروح فداه كل اللي فات

وبستخبى
لما بلمح ضل خوف
وعينيا تلمع وأبتسم
لو هلّ طيف الذكريات

راضيه..
وعمري ما بلوم الظروف
ولسه عندي أُمنيات
ولسه فيه بينا
حكايات

اترك رد

زر الذهاب إلى الأعلى