بحبك يامه…و ندمان بقلم: رباب سمير غانم كبرتييامه و دارت بيك السنين
ونا في الغربة مستني
اكبر المال و البنين
نسيت أزاي حكاوينا
و قعدتي علي فرشتك
وقت العصاري مايجينا
و نتلم علي طاولتك
ازاي يامه مش شايف
ضهرك اللي انحني
علي مر السنين انْتني
بيقولوا حلوة هيئتي
طب مين السبب فيها
عشان تطلع بكامل معانيها
وقت تعبك مش موجود
طب ازاي؟
وانتي سبب الوجود
عاوزك بس تعذوريني
علي تقصيري في خدمتك
علي جرحك وقت محنتك
مش قصدي يامه اخذلك
ولا سيب جرحك يألمك
مش شايف نفسي غلطان
مع اني اكيد ندمان
و طول الليل سهران
أفكر فيكِ و سرحان
مقصدش ياه الجفا
ولا البُعد اللي اتنسا
الدنيا خدتني آه
بس إنتي برده موجودة
جوا قلبي محفورة
سامحيني يامه عاللي فات
و تعالي ننساه بالساعات
دي علاقتي بيكِ مكملة
مع عيالي متممة
أكيد لازم أبرك
دنا ابنك اللي منك
دا كل اللي وصلتله
انتِ السبب فيه
ربي يديمك ليا
جنة بين ايديا