كن كعازف للكمان 🎻 على تايتانيك
وسط المحن
طلع لسانك للهلع
ما تسيبش روحك تتخدع
ما تسيبش قلبك يتخلع
ويجبرك شئ على البكا
اللى اشتكىٰ
ضيع ساعات الهشتكا وسنين كتير في الاكتئاب
وإيه فايدته
ولكل واحد سكته
ونصيبه من باب قسمته
حسب الكتاب
ما تبعتش روحك للظنون
خليك كما شجر الزتون
خليك كما نصوص القانون
لها في النفوس مليون حساب
واللي يـفكر في الغياب
ساعده ووفر له السبب
صوم عنه حالًا وابعده
ما الصوم يجوز برده في رجب
ما تخافش أبدًا م الغرق
ما العمر مخلوق يتسرق
وإن قومت تحسب أد إيه م العمر فات
ممكن تخاف أو تترعب