إستغاثة طلاب صيدلة للدكتور وزير الصحة و الدكتور وزير التعليم العالي
كتبت د / سلوي محمد علي
إستغاثة طلاب كليات الصيدلة للجامعات الخاصة و الأهلية من وقع عليهم تطبيق قرار أن تكون الصيدلة 6 سنوات بالرغم من أن الدفعات السابقة لهم و اللاحقة لهم 5سنوات شاملة سنة الامتياز .
أشير هنا عن مشكلة كبيرة بتواجه طلاب كليات الصيدلة وهو صدور قرار جديد بخصوص سنة الإمتياز لطلاب الصيدلة، ويشعروا بظلم كبير في الموضوع ده .
الطلبة المجبورين مطالبين ندفع مصاريف دراسيه سنة كاملة، لكن في نفس الوقت مش هيكون المسمي الطبيعي “صيدلي امتياز”. ده يعني إننا هيدفعوا مبلغ كبير على حاجة مش هتفيدهم بالشكل المتوقع، ودي مشكلة كبيرة بتضغط عليهم مادياً ومعنوياً مع وجود إختلاف شديد بين الجامعات علي مستوي الجمهوريه خصوصا جامعه المستقبل و دا معناه ان مفيش لائحة أو قرار واضح و صريح يطبق علي جميع طلبة كليه صيدله علي مستوي الجمهوريه و هذا ما يقلق طلاب كليه الصيدله علي مستوي الجمهوريه ، فعل يعقل بعد دراسه 5 سنوات Pharm D و عند دخولي السنه السادسه يكون المسمي طالب امتياز وليس صيدلي إمتياز مثل باقي الزملاء في كليات طب الانسان و الطب البشري و غيرها من الكليات الطبيه !
الطلبة علي يقين بالجهود المبذولة في كل الأصعدة و هناك محاولات لحل التشابك في موضوعات كتيرة ومختلفة، لكن إحنا فعلاً محتاجين دعمكم و توصيل صوتهم للمسئولين للوصول لحل عادل لهذه المشكلة .
مع العلم انهم مجبرين علي دفع مصاريف سنه دراسيه كامله مع عدم توافر إختيارات للتدريب الي المفروض ٦ دورات بفئات سعريه مختلفه و بالتالي معني ذلك هو الاجبار علي دفع مبلغ ضخم لا يتناسب معنا ، بالإضافة إلي عدم السماح لنا إختيار مكان الإمتياز المناسب من حيث الفئه السعريه ، يرجي العلم ان طالب السنه السادسه قام بأكمال و دراسه خمس سنوات كامله و تم أخذ المنهج كامل خلال ال5 سنوات .. و الإنتهاء منها بمعني انه لديه الماده العلميه الكافيه ليقوم بخدمه المؤسسه التي سيأخذ بها الامتياز فتكون المحصله دفع مبالغ ضخمه علي اختيارات محدود و العمل مجانا و بدون مقابل !.
الكلام دا كله علي الجامعات الخاصه الأهلية ومفيش غير جامعه واحدة بس هي جامعة المستقبل صرحت وقالت إنها مصاريف سنه كامله !.
طالما الموضوع واضح زي الشمس ليه مفيش أي كليه خاصه أعلنت عن مصاريفها ولا اللوائح.
حرفيا ولا في أي قرار مؤكد غير موضوع المصاريف دا لحد دلوقتي مع العلم أن السنه دي بقالها خمس أو ست سنين بيتحضرلها.
الطلاب كل أملها في أن يصبحوا يحملوا لقب – صيدلة امتياز – من غير ما يتحملوا مصاريف إضافية بدون سبب مع إمكانية تحمل مصاريف بس تكون رمزية و مقبولة .. لأن الجامعات الخاصة اكيد بتدفع في الإمتياز بس المبلغ مبالغ فيه جدا فوق الوصف
هذه استغاثة 8200 صيدلي من جامعات خاصة و أهلية مختلفة يواجهون نفس المشكله يتمنون النظر إليهم بعين الإعتبار والعمل علي تقنين المصروفات للسنة السادسة و منحهم لقب صيدلي أمتياز .