أسعار النفط بتسجل هبوط مفاجئ بنحو 2% النهاردة الجمعة. وبتتجه لأكبر خسارة أسبوعية ليها من شهر أبريل اللي فات. والسبب هو تزايد الآمال بتهدئة قريبة بين أمريكا وإيران بخصوص مضيق هرمز. خام برنت نزل لـ 92.05 دولار للبرميل، وخام غرب تكساس الأمريكي تراجع لـ 87.35 دولار للبرميل. وبكده يكون خام برنت خسر حوالي 11% من قيمته على مدار الأسبوع ده بس، والخام الأمريكي خسر حوالي 10%. الهبوط ده جه بعد تقارير أكدت إن واشنطن وطهران قربوا يوصلوا لاتفاق لتمديد وقف إطلاق النار وتخفيف قيود الملاحة في مضيق هرمز. الممر الحيوي اللي بيمر منه خُمس إمدادات الطاقة العالمية. في نفس الوقت، البيانات اليابانية كشفت عن تراجع واردات النفط من الشرق الأوسط . بنسبة 66% الشهر اللي فات بسبب التوترات، وإدارة معلومات الطاقة الأمريكية. أعلنت تراجع الصادرات النفطية بمقدار 1.16 مليون برميل يومياً.
