أرقام خيالية في الساحل الشمالي.. الليلة الواحدة في أغلى المنتجعات بتعدي المليون جنيه

الحكاية باختصار إن الساحل الشمالي اتحول في 2026 لوجهة سياحية من الأغلى في الشرق الأوسط،.

والمنافسة مابقتش بس على الشواطئ، لكن بقت سباق بين القرى والمنتجعات الفاخرة لتقديم أغلى تجارب إقامة ممكن تتخيلها.

لدرجة إن أسعار بعض الوحدات في موسم الذروة وصلت لأرقام قياسية.

وحسب بيانات مواقع الحجز العالمية، دي قائمة ببعض أغلى أماكن الإقامة في الساحل الشمالي:

فندق Golden Ocean Marina بمارينا سجل رقم قياسي بمليون و4 آلاف و800 جنيه لليلة الواحدة لجناح البحيرة.

وده غير الضرائب والرسوم اللي بتعدي 270 ألف جنيه.

فندق ذا جي بسيدي عبد الرحمن بيقدم فيلا بسعر 524 ألف و727 جنيه لليلة، بخلاف ضرائب 150 ألف جنيه.

فيلا في منتجع Gewan Palace بالعلمين الجديدة وصلت لـ 379 ألف و814 جنيه لليلة.

منتجع ريكسوس بريميوم العلمين بيعرض خيارات إقامة فاخرة .

بتبدأ من 202 ألف وبتعدي 300 ألف جنيه للعائلات.

فندق العلمين بسيدي عبد الرحمن سجل حوالي 196 ألف جنيه لبعض الحجوزات العائلية.

منتجع Address Beach Resort بمراسي بيوصل سعر بعض حجوزاته لـ 181 ألف جنيه لليلة، من غير الضرائب.

الأسعار دي بتعكس حالة من التنافس الشديد على تقديم خدمات الرفاهية الكاملة في المناطق اللي بيسموها “الساحل الشرير”.

واللي بتستهدف فئات دخل محددة بتبحث عن الخصوصية والخدمات الفائقة.

بعد ما شوفتوا الأرقام دي، هل شايفين إن الرفاهية دي تستاهل المبالغ دي.

ولا المبالغة في الأسعار بقت ميزة إضافية للقرى السياحية عشان تجذب فئات معينة؟