اللي حصل إن جهات التحقيق في الإسكندرية قررت حبس متهم أربع أيام على ذمة التحقيقات.
بعد ما تورط في جريمة غريبة من نوعها جوه منطقة العطارين.
الحكاية باختصار إن المتهم اقتحم جراج خاص بيملكه رجل أعمال اشترى زمان سيارة الرئيس الراحل جمال عبد الناصر في مزاد رسمي عشان يحتفظ بيها كمقتنى تاريخي نادر.
التحقيقات كشفت تفاصيل صادمة عن الواقعة
المتهم استغل غياب الرقابة وفضل لمدة تلات شهور جوه الجراج يقطع في العربية التاريخية من طراز كاديلاك موديل 1961 لحد ما خلص عليها تماماً.
وبدأ يبيع أجزائها المختلفة كحديد خردة في السوق لحد ما المباحث جابت آخره وقبضت عليه.
وده اللي خلّى القضية تعمل صدى واسع وتفتح كلام كتير بين الناس على السوشيال ميديا عن أهمية الحفاظ على مقتنيات رموز التاريخ المصري من العبث.
تفتكروا إزاي عربية بحجم وقيمة التاريخ ده تتساب تضيع بالسهولة دي في جراج خاص من غير حماية كافية؟
حاصل على بكالوريوس خدمة اجتماعية، يهتم بالشأن المجتمعي والعمل الميداني، ويسلط الضوء من خلال عمله الصحفي على القضايا الإنسانية والتنموية، ويشارك في إبراز صوت المواطن عبر تغطيات واقعية وتحقيقات هادفة، صحفي بجريدة العدد الأول
