الحكاية باختصار إن الجهاز المركزي للتعبئة العامة والإحصاء أعلن عن أرقام جديدة بخصوص المصريين اللي حصلوا على جنسيات أجنبية خلال عام 2025. واللي وصل عددهم لـ 4335 شخص، بزيادة 3.2% عن سنة 2024. الرقم ده متقسم لـ 3576 شخص حصلوا على جنسية تانية مع الاحتفاظ بالجنسية المصرية، مقابل 779 شخص اختاروا عدم الاحتفاظ بها. في المقابل، الأرقام بخصوص الهجرة الرسمية أظهرت تراجع. حيث انخفض عدد المصريين اللي حصلوا على موافقة للهجرة أو اكتسبوا صفة "مهاجر" بنسبة 9.9%. ليصل إجمالي المهاجرين لـ 164 شخص بس خلال 2025 مقارنة بـ 182 شخص في 2024. أغلب المهاجرين دول كانوا من الذكور، وتصدرت الولايات المتحدة قائمة الدول المستقبلة ليهم، تليها إيطاليا ثم كندا. البيانات كمان وضحت إن فئة الشباب من سن 30 لـ 35 سنة هي الأكثر إقبالاً على الهجرة. وأغلبهم من أصحاب المؤهلات الجامعية والمهن العلمية. وده بيعكس طبيعة الكوادر اللي بتفضل فرص العمل أو الاستقرار في الخارج. الأرقام دي بتدي صورة شاملة عن اتجاهات المصريين في السفر واكتساب الجنسيات. وبتوضح إن "الجنسية المزدوجة" بقت هي التوجه الغالب مقارنة بالهجرة التقليدية اللي بتنهي الارتباط بالجنسية الأصلية. تفتكروا إيه السبب اللي بيخلي عدد اللي بيحصلوا على جنسيات تانية في تزايد. في حين أن الهجرة الرسمية بتسجل انخفاض؟
