ورقة بـ 250 دولار عليها صورة دونالد ترامب! تقرير لصحيفة "واشنطن بوست". كشف عن ضغوط من مسؤولين في إدارة ترامب لطباعة عملة جديدة بتصميم بيحمل صورة الرئيس الحالي. الموضوع ده أثار جدل وانتقادات واسعة جداً، لإن لو ده حصل. هتكون أول مرة صورة شخص لسه عايش تظهر على العملة الأمريكية من أكتر من 150 سنة. وتحديداً من سنة 1866 لإن القانون الأمريكي بيمنع ده تماماً. التقارير كشفت إن الرسام البريطاني "إيان ألكسندر" هو اللي صمم النماذج دي. وناقشها مع ترامب نفسه اللي وافق عليها وطلب تعديلات زي إضافة ألوان العلم الأمريكي وشعار بمناسبة مرور 250 سنة على تأسيس أمريكا. الكونغرس كان اتقدّم له مشروع قانون السنة اللي فاتت عشان يسمح بالموضوع ده لكن محققش أي تقدم. وفي نفس الوقت، التصميم المسرب أثار موجة سخرية وانتقادات كبيرة على السوشيال ميديا. والبعض اعتبرها محاولة لفرض "عبادة الشخصية".
