يوسف بطرس غالي يطرح "روشتة" لإنعاش الاقتصاد: ثورة إدارية وحماية الصناعة الوطنية

الحكاية باختصار إن الدكتور يوسف بطرس غالي، وزير المالية الأسبق.

قدم رؤية اقتصادية شاملة للتعامل مع التحديات العالمية الحالية.

مؤكداً إن مصر محتاجة “ثورة إدارية” حقيقية في الجهاز الإداري للدولة.

بالإضافة لخطوات جريئة لدعم القطاع الخاص.

اللي بيعتبره القاطرة اللي تقدر تقود الاقتصاد لمعدلات نمو ما بين 5% لـ 7%.

غالي أوضح إن العالم دلوقتي مقسوم لـ 3 أقطاب أمريكا، أوروبا، والصين .

والصين تحديداً بتمثل “طوفان” اقتصادي بيعتمد على التصدير الكثيف.

ومصر لازم تحمي قطاعاتها المحلية من المنافسة غير العادلة.

وفي نفس الوقت تسهل استيراد مستلزمات الإنتاج عشان الصناعة المصرية تقدر تنافس وتصدر بره.

الروشتة اللي قدمها غالي بتتركز في 3 محاور أساسية:

السياسة التجارية المتوازنة: حماية المنتجات المحلية من المنافسة الضارة مع دعم الصادرات بشكل قوي.

إزالة العقبات أمام القطاع الخاص: تبسيط الإجراءات، تخفيف القيود الإدارية.

وسرعة استخراج التراخيص عشان المستثمر يشتغل من غير تعقيدات.

التركيز على “السلع المتبادلة دولياً”:

يعني التصدير والاستيراد المرتبط بالإنتاج هو اللي هيخلق فرص عمل حقيقية ويحرك عجلة النمو.

غالي أكد إن المعادلة دي مش سهلة، لكنها “ضرورية”.

عشان مصر تقدر تحقق انطلاقة اقتصادية حقيقية في ظل المتغيرات الدولية اللي بنشوفها كل يوم.

في رأيكم، إيه هي أكثر خطوة إدارية أو اقتصادية محتاجين نشوفها “بشكل عاجل” عشان نلمس تحسن حقيقي في بيئة الاستثمار في مصر؟