هل تقترب أمريكا من خيار "الغزو البري" لإيران؟.. الجدل يتصاعد في واشنطن

الحكاية باختصار إن الحرب بين أمريكا وإيران دخلت مرحلة بتخلي العالم كله على أعصابه.

ومع استمرار التوترات في مضيق هرمز، بدأ السؤال الصعب يطرح نفسه:

هل ممكن ترامب ينتقل من الضربات الجوية لعملية برية؟ ترامب نفسه بيرفض يستبعد أي خيار.

والجيش الأمريكي بدأ بالفعل يدفع بقوات خاصة وأطقم طبية إضافية للمنطقة، وده بيخلي كل السيناريوهات مفتوحة.

المحللين العسكريين وخبراء “فورين بوليسي” شايفين إن “الغزو الواسع” شبه مستحيل حالياً.

لأن أي عملية من النوع ده هتحتاج جيش جرار مش أقل من 100 ألف جندي.

بجانب التحديات اللوجستية والجغرافية المعقدة في إيران، ناهيك عن المقاومة المتوقعة.

لكن، الخبراء بيحذروا إن فيه بدائل تانية ممكن نشوفها، زي:

غارات محدودة للقوات الخاصة ضد مواقع عسكرية حساسة.

السيطرة على جزر استراتيجية زي جزيرة خرج عشان تضغط على طهران وتفتح الممر الملاحي.

استهداف مراكز القيادة ومنصات الصواريخ والبنية التحتية اللي بتهدد حركة الملاحة.

داخل الكونجرس، فيه قلق حقيقي. نواب كتير، حتى من الجمهوريين.

بيحذروا إن احتلال أي جزء من إيران ممكن يحول الحرب لـ “صراع بلا نهاية”.

ومخاطرها السياسية على ترامب هتكون ضخمة جداً خصوصاً مع قرب انتخابات التجديد النصفي وتأثير الحرب على أسعار الوقود في أمريكا.

ومع ذلك، فيه أصوات تانية شايفة إن أسلوب ترامب في اتخاذ القرار دايماً مفاجئ، فمش مستبعد أي حركة غير متوقعة.

إيه رأيكم، هل ترامب ممكن فعلاً يغامر بقرار بري يغير شكل المنطقة، ولا الموضوع هيفضل محصور في “حرب استنزاف” من بعيد؟