مين يستاهل بقلم: إيمان جمعة مين يستاهل يبقى حياة مين نقدمله طوق نجاة ومين نقوله معاك إيد بإيد يطلع صحيح زى ما نتمناه شديد عنيد وقلب حديد فى الحرب رجولة أسد صنديد سلاح فى إيد وزرع فى إيد والنصر حليفه ومن ولاه قلبه حنين يلم قلوب وحضنه واسع للمحبوب إيد ع الكتف وزهرة فى إيد يابخت قلبك لو تهواه يقدم روحه ليك هدية وتزهى حياتك يابهية سلام من قلبه مش بالإيد والعمر يصفى وانت معاه فى عيونه الضحكة صافية وأفعاله صادقة ودافية ويزيح الهم بلمسة إيد ده الخير كله راح يلقاه ماهو راجل مش كلام حقيقه مش أوهام شريف مشهود بنظافة الإيد أمانة وصوم وسجود وصلاة ابن أصول من أصل طيب وقلة ماله مش ح تعيب وشغل حلال من صنع الإيد وقلبه متشعلق حبًا فى مولاه