علي قد عينيك ماتجيب
في لسة حاجات مابانتش
واللي بتملكه في الجيب
في الغيب زيه ماتنكرش
واحسن أو يمكن أقل
أو يمكن حتي يزيد
في حاجات بتشوفها الحل
وده شئ مش برده أكيد
لكن ممكن لو كان
تقدر حسب الأمكان
تتخيل زي زمان
وتوفر
صرف القرش
علي قد عينيك ما تشوف
وتدقق في التفاصيل
في حاجات وبسبب الخوف
بتشوفها في حجم الفيل
وعلشان تتحقق منها
هتقرب أكتر وأكتر
وتمد إيديك تلمسها
لكن فجأة ما تلقاش لها أي وجود من أصله
كانت وهم وخيالات
دى حاجات من كتر ما نفسك
تلمسها في يوم وتطولها
بتقوم من النوم تحسبها
والعرض تقارنه بطولها
وعلشانها خيال مش واقع
بتعيد و تزيد وتراجع
لكن فعلا مش نافع و الناس تضطر تقولها
على هيئة مرة وصية
أو حتى في شكل نصيحة
وساعات في كلام له مغزى
أو معنى في جملة صريحة
الشئ ده ما هوش من بختك
ولا كان لك منه نصيب
فـ انساه بكيفك وإرادتك
قبل ما يزهق ويسيب
