عفويات

عفويات

بقلم: عادل عوف

ربعين كباب
من لحم حد إغتابته
ومعزته
وغلاوته
على سفرتك لعـشاك
أول خلافى معاك
كان السبب وأديك
سممت روحك بيك
إزاي بلحم شريك قَسَمْ الحياة وياك
إزاي بناب وضروس
علي الذكريات بتدوس
وگأن نابك موس
غارزه في كام بهواك
والطعم إيه “عجباك”
تمام كدة اتعشيت
وغرفت م التوابيت
لحم الهوا حواديت
اتسلى واحكيها
ما فضلش غير جِيها
القصد والنية
قلبي اللي حبك يوم
يـعتزر ليا
لأنه كان مـخدوع
وعاش سنين مع نوع
أول ما حس الجوع
ما بدأش غير بيا
صفي بسيرتي البير
عشا بـ سرى الغير
بضمير كفيف وضرير

وقطعوا فيا