عفويات

عفويات

بقلم: عادل عوف

علشان ما فيش ترتيب
خضعنا للتجريب
وكل شئ محتمل
حتى انتحار الأمل
والأولويات جواك
كل اللي قال بهواك
قواك على اللي خانوك
شافوك في عز الليل
بوش تاني بديل
غير وشك المهزوم
جرحت آخر اليوم
بكلامك الباهت
تاهت معاني كتير
في متاهة التفكير
الحق قال مش كدة
الفرحة متنكدة
هو أنتِ متأكدة
ولا كلام سمعاه
ما كانش يا ولداه بجد يستاهل
الحظ لو جهال
كان مرتين حاول
وقابلنى يوم برة
الحظ كان مرة
وسوءه كان مرات
فمشينا في ممرات
ولا مرة نتقابل
فبقينا مش عارفين
ده غرام ده ولا كمين
سلمنا شوق وحنين
القلب بالكامل