عفويات بقلم: عادل عوف أنا قاطع فيَّ غيابك وإنك ما بـتسألش مخصوم أنا من حساباتك محروم منك ما بـنامش مضايق قوي ومقلق مش فاهم كل ده ليه طار مني النوم ومبرق ولا عارف هـاعمل إيه عقلي بيقولي اسيبك وبراحتك بقى على الآخر قلبي بيقول ده حبيبك اسأل طمني عليه في صراع ومشاكل بينهم وأنا واقف كدة محتار أوقات ألعن والديهم علشان مش عارف اختار العقل و حججه قوية تمنعني بأي تنازل والقلب يحرض فيَّ ألهيه بحبك أفكار ما تحل أنت وقوم بادر خد صف من الاتنين ولا بجد بقيت قادر على البعد ومش راجعين وبقينا مجرد ذكرى وشوية وقت وبكرة أول ما هتسمع اسمي ترخي جفونك على العين
