البلوجر المعروف علاء الساحر بقى في قبضة الداخلية بعد ما طليقته قررت تنتقم منه وتنشر فيديو خطير على حسابها الشخصي، بيظهر فيه وهو بيعتدي وبيحتجز واحد داخل شقة بالسويس.
القصة بدأت لما طليقته حصلت على الفيديوهات من موبايله من غير ما يعرف، ونزلتها نكاية فيه بعد خلافات بينهم.. الفيديو قلب السوشيال ميديا والداخلية تحركت بسرعة وضبطت علاء الساحر ومعاه الشخص اللي صور المقاطع.
المفاجأة إن الواقعة دي حصلت في ديسمبر 2023 والمجني عليه صاحب معرض سيارات، لكن ماكانش مقدم أي بلاغ.
التحقيقات شغالة والنيابة هتكمل إجراءاتها.
تابع العدد الاول..إيه رأيكم؟ هل السوشيال ميديا بقت سلاح ضد أصحابها
