سوق النفط بيعيش حالة من عدم الاستقرار بسبب تطورات الصراع بين واشنطن وطهران. وده اللي خلّى شركة "رابيدان إنرجي" ترفع توقعاتها لسعر خام برنت عشان يفضل محشور قرب الـ 100 دولار للبرميل لنهاية سنة 2026. بدل توقعاتهم القديمة اللي كانت عند 85 دولار. الحكاية باختصار إن انهيار اتفاق وقف إطلاق النار خلى المخاوف تزيد من تأثير الصراع على مضيق هرمز. وده ممر حيوي لحركة التجارة العالمية. التوقعات دلوقتي بتقول: سعر خام برنت في الربع الأخير من السنة متوقع يوصل لـ 100 دولار للبرميل. لو الصراع زاد وتوسعت الأهداف لتشمل بنية تحتية، السعر ممكن ينط لـ 105 دولارات. السوق العالمي للنفط هيعاني من عجز في الإمدادات لمدة سنة كاملة على الأقل. في المقابل، فيه عامل واحد بس بيحد من القفزة الكبيرة دي وهو ضعف الطلب من الصين. اللي بتسحب حالياً من مخزونها بدل ما تشتري كميات ضخمة. طبعاً مؤسسات زي "غولدمان ساكس" عندها نظرة أكتر تشاؤماً . وبتحذر إن السعر ممكن يتخطى حاجز الـ 120 دولار لو الاضطرابات استمرت بنفس القوة. النفط حالياً بيسجل مكاسب شهرية قوية بتتخطى الـ 30%. والمشهد كله مرتبط بمدى تطور المواجهات في المنطقة خلال الشهور اللي جاية. تفتكروا الأسعار دي هتسمع في أسعار الوقود والسلع عندنا الفترة اللي جاية؟
