أدبي

القهوة

وقت النشر : 2021/12/28 11:28:14 PM

القهوة
بقلم: منى أحمد إبراهيم

وأنا بقلّب
قريت نص عجبني كلامه
قمت جريت أجيب قهوة
أمخمخ كلمة ورا كلمة
وخدني الوقت على سهوة
نسيت من كتر ما اتمزجت بالألحان
إني مشربتش الفنجان
مركزتش … ومزعلتش
وإيه يعني؟!!
كلام كان ذوقه عالي
وانبسطت منه كمان
يا عنتر كنت أو شابي
رامي، جاحظ ومتنبي
كفاية إن حروفك القلب ليها عنوان
ومين فينا مش كتير بيئن؟!!
ومين فينا من الوجع ثبت ولا جَنّ؟!!
ومين فينا سواد حواليه
ما بيطغاش على الأفراح كتير أوقات؟!!
ويجري على دروب كانت
مليانة سعادة وليها يحن
بنكتب مهما ما بنكتب
حتى ما بنستناش تصقيف
ياخدنا مراكبي وشراعه
يطير بينا بلا تجديف
ونلقى براح الكون حوالينا
بلا خنقة ولا تكتيف
تموت زهرة
هاييجي غيرها منستسلمش
تمر سحابة وسحابة
هناخد منها الضلة
ونضحك تاني ومانكشرش
ولا نشيل هم بكرة غدانا هيكون إيه
ولا نفكر بعده معانا هيكون كام
ده اسمه كلااااام؟!!!
أقولك:
تعالى نسخن القهوة ونشربها
ونكتب تاني أي كلام
على الله بس قهوتي تعجب
ناس راس مالها سعادة وضحكة من جواها
ورافضة تعيش في لوم وخصام
ولو بردت ليه نتركها؟
وليه نسيبها ما نشربها؟
نسخنها ونظبطها
وليه بالسهل نرميها؟
مادام بالحب عملناها
وفي الفنجان حويناها
أقولك:
سيبك من القهوة وعمايلها
لإني أساسا ماليش فيها
تعالى نركز في الآتي
تعالى واسمع حكاياتي
حكاية قلب عاش في سلام
لا دوشة تهمه ولا حتى أي كلام
حكاية بجمال حكاية السندريلا
وإن شاء الله تنتهي بسعادة من غير آلام

تمت المراجعة والتنسيق من قبل فريق ريمونارف.

ذات صلة
شاهد أيضاً
إغلاق
زر الذهاب إلى الأعلى