![](https://aladadalawalnews.com/wp-content/uploads/2022/01/FB_IMG_1641208073511-480x470.jpg?v=1645599136)
طاقة الحب
بقلم: هدى إسماعيل
كل الجمال ده وأكتر شوية
ظهر من يوم ما دق القلب حب
دنيا السعادة ظلها بيترسم في كفوفك
ونجم شمسها يصحى على صوتك
والجنة لو على أرضها تكون بيتك
والحب قصة بدأتها بهمساتك
يا سعد قلبي لما هداني لحبي ليك
الفجر نَوّر من تاني من نور عنيك
والدنيا رقصت بالأماني من شوقي ليك
مغرم ودايب م السهر في جمال عنيك
والروح أسيرة في حبها تنده عليك
والحب خلّى سحرها في الدنيا نور
فاضت جمال وعاشت حنين
تهدي الطريق للحيرانين
وتكون مثال للعاشقين يتغنوا بيه
متسألنيش الجمال ده كان سره إيه
الحب لما مس القلب ظهر عليه
لوّن حياتي ودنياتي
خلّى السعادة سكتي
عايشة رضا وهنا وأمان
من يوم القلب ما دق ليك
================طاقة
أول شعرة أبيضت قالت:
إني بحب وحبك خالد
أيوة بحب
هو أنا هنكر
سعد غرامي ونور أيامي
أول شعرة ابيضت قالت:
حبي ليك من النوع النادر
حب يِعمر، حب يعيش
ودائما غالب
جراح الدنيا مهما تعاند
أول شعرة ابيضت قالت:
إني بحبك حب أكيد
وبضحي لأجل ما شمعك يفضل قايد
وإني بصبري يا روحي بجاهد
رسمت الحلم أخدت العهد
لازم أصمد وسط الريح
لأزم أشق البحر وأعاند
مهما الدنيا تعمل فيا
والله بِحُبك مستقوية
قادرة أعدي جراح وهموم
ولا أشوفكش في يوم مهزوم
قد الدنيا ودائما صامد
حبك حلم عايشة أنا بيه
ثابتة خُطايا في كل طريق
حبك فيه هو دليلي إللي بيهديه
أول شعرة أبيضت قالت:
حبك نادر دايما خالد