إللي بين قلبي وبينك
بقلم: رويدا عبد الحي
إللي بين قلبي وبينك
حب ما يتحكيش
همسة شفة ونبضة قلب
وحنين دايم مبينتهيش
إللي بين قلبي وبينك
رحلة عمر طويل
كان تايه في شوارع الدنيا
طفل صغير محتاج
حضن يدفيه
إللي بين قلبي وبينك
حكاية طويلة متتحكيش
أولها أنت وآخرها إني
نفسي معاك أعيش
إللي بين قلبي وبينك
نسمة هوا رقيقة
تملا صدري
توقف عندي ومتمشيش
إللي بين قلبي وبينك
مهما وصفت ولَّا قلت
كلام كتير هيفضل برضه
إللي جوايا أكتر وميتحكيش
إللي بين قلبي وبينك
لحن صادق تعزفه
قيثارة روحي
على أنغام الدراويش
الخلاصة:
إللي بين قلبي وبينك
مش هتلاقي ولا هتقابل زيه
مهما تشوف
أو مهما تعيش
