أدبي

برج الحوت

وقت النشر : 2022/07/28 03:01:04 PM

برج الحوت

بقلم: ميساء السعدي

برج الحوت
وبرجي الحوت يا سادة

ومحبوسة ف حوت كبيرْ

كيونس لما غاب في البحر

وكان في بطنه زي أسير

ينادي ربه ويناجيه

ينجيه من دنيا كدابة وديابة

ومن غيرك يا رب يجبر

واقول يا رب قوّيني

وعندي ليك دَعاوي كتير

تهديني وتحميني

من الوسواس، وشر الناس

ومن قلبي النّدِي الحَسّاسْ

دا طيبته فيه بتأذيني

فيا مولاي إنت نصير

لكل اللي طلب تيسير

فنجّيني من التفكير

وإنى أكون لضله أسير

لـ ناره فيه بتكويني

وكُنْ يا ربي خير مُعين

رميت حِملي من التدبير

عليك يا عالم الأسرار

توهبنى من العطايا كتير

وخير بالكوم كما الاْمطار

وابعدني عن الضالين

وابعد عني كل أنين

يخطي لحد باب الدار

واكفيني أذى الأشرار

وافتح لي بيبان جبر

كتساع روحي ليوم الدين

فيطلع فوق جبينى نهار

شاهد أيضاً
إغلاق
زر الذهاب إلى الأعلى