يا دنيا

يا دنيا
القلب مليان بهمومه

عايش يا دوب يومه بيومه

واهي دُنيا ماشية بخطاوينا

ييجي يوم جديد نخشى قدومه

ما بقاش خلاص فيه شتا أو صيف

دُنيا بقت ولا حد السيف

وآدينا بنسايس فيها

ما بقاش خلاص فيه شيء ع الكيف

لحد إمتى تعاندينا؟

تاخدينا من مينا لمينا

يَا دُنيا ما عادش ف صحة خلاص

ما عادش شيء بيقوينا

يَا دنيَا ليه قافلة معانا؟

لأي باب جاي ويانا

حتى البيبان المفتوحة

ترابيسها كلها تلفانة

قالوا اصبروا كتير وصبرنا

ما نُلنا غير كسر خاطرنا

لا شكينا ولا مرة بكينا

ودفننا أسرارنا ف بيرنا