أنا ضد الإرهاب

أنا ضد الإرهاب

بقلم: جيهان موسى الصياد

لا للقتل وسفك الدماء
لَا للخراب والدمار
لا للتطرف في أي مكان
عبِّر عن رأيك، لكن بسلام
هتاخد إيه لما تخرَّب عقل الإنسان
وتزرع فيه الحقد لبلده
ويطلع قاتل، أو محتال؟!
إوعى تفكر إن القتل اسمه جهاد
وإنك تحرَّف في القرآن
وتقول جاهد في أي مكان
وطنك غالي مهمًا كان
فيه أهلك والجيران
إللي وصَّى عليهم الرحمن
إوعى تعمل فرق في الأديان
مسيحي ومسلم كلهم إخوان
خلوا ما بينكم حب وإيمان
لا فرق ما بين الأديان
إوعى تخرَّب يوم في بلادك
راعي أبوك، وأمك، وأخواتك
فكَّر فيهم، فكَّر في عيالك
ازرع ليهم قمح وخضرة
خلي الصحراء تبقي خضراء
فيها القمح وفيها المبنى عالي وشامخ
تفتخر بيه في كل مكان
حافظ على دينك بصلاتك
وبإيمانك وبالقرآن
واقرأ واعرف إن رسولك عمره ما خان
عمره ما قتل أي إنسان
قال ادخلوا أي مكان بسلم وسلام
ابني في بلدك، عمّر فيها
وأقف شامخ في كل مكان
قول أنا مصري، أنا عربي
وكل العرب إخوان
أنا ضد الحروب والإرهاب في كل البلدان
ونريد السلم والسلام
والأمن والأمان
بلاد بدون حروب ولا سفك دماء
انشروا حمام السلام في كل البلاد
خلي الخير يعم في كل مكان