أدبي

الكلمة

وقت النشر : 2022/12/18 11:38:28 PM

الكلمة

بقلم: تهاني بركات

وإيه فايدة الكلمة
والكلمة كانت خايفة
ومش شايفة
صابها العمى بدري
وإيه عيبها
وليه نعيبها
وهي آخرتها
رصاصة في قلب
بنداري قسوتها
ببسمة عريضة مدبوحة
ونظرة حسرة مخنوقة
بكام دمعة محبوسة
بتكوي قلوبنا من جوه

وكلمة “عادي” ما يهمكش
دي كلمة سخيفة
ما بتوجعش
ما بتجرحش
بس يدوب بتاخد روحنا
وبتسيبنا كدا تايهين
قالوا زمان
الكلمة ميزان
عهد وأمان
لكن كالعادة في دُنيتنا
بقت تهيس
سب ولعن
مالهاش وزن
وعهد خبيث

الكلمةبقلم: تهاني بركات
الكلمة
بقلم: تهاني بركات

شاهد أيضاً
إغلاق
زر الذهاب إلى الأعلى