أدبي

يا حبيبتي يا أمي

وقت النشر : 2023/09/02 01:43:58 AM

يا حبيبتي يا أمي

كلمات الشاعر: محمد عبد العزيز رمضان 

يا حبيبتي يا أمي راجع
بالشوق ويا الحنين

هشكي كل المواجع
بعدك أنا أروح لمين

نفسي تضميني يا أمَّا
من تاني ضمتين

ياما جمعتنا لمه
تاهت ألقاها فين

يا حبيبتي يا أمي راجع
من غيرك مش هعيش

حبك يا حبيبتي عندي
عايش مبينتهيش

وقريبه مني يا أمَّا
أنا نفسي متبعديش

وسألت عليكي يا أمَّا
طب ليه مبتسأليش

لو هنت عليكي عمرك
ياحبيبتي مبتهونيش

يا حبيبتي يا أمي راجع
أنا من غيرك سراب

لو كل الدنيا باعت
هفتحلك ألف باب

ورضاكي يا أمي جنه
غضبك هو العذاب

ببعتلك كل لحظه
من قلبي ميت جواب

أنا نفسي تجيني تاني
من بعد طول غياب

يا حبيبتي يا أمي راجع
رغم البعد الطويل

حبك محفور في قلبي
لو هوصف مش قليل

من غيرك كنت تايه
بلقى معاكي السبيل

ومفيش زيك يا أمي
ولا ليكي كمان مثيل

حبك مرسوم بدمي
نفسي أرد الجميل

خايف أبعد يا أمي
وانتي هوايا العليل

لو كل الدنيا مالت
وياكي مش هميل

ضاعت كل الأماكن
وانتي ليا الدليل

حبك في القلب ساكن
ومفيش غيرك بديل

 

 

ذات صلة

 

للمزيد..

شاهد أيضاً
إغلاق
زر الذهاب إلى الأعلى