عفويات بقلم: عادل عوف

عفويات

بقلم: عادل عوف

أنا شخص العادي بتاعه ما يكونش له حد شبيه
ما يحبش حتي دراعه يسأله بيعمل كده ليه
رأيه ده إن كون رأي …. من راسه بدون تأثير
وان جيت للحق قراره بياخده ومن غير تفكير
واثق جدًا من دوره … مالي مركزه و حضوره
سابق و مطرطش نوره على الكل وعنده كتير
فبلاش من وحي خيالك ترسمني وكل يومين
تمسحها وترجع ترسم مش تعرف قبلا أنا مين
مش يمكن اسهلهالك نسخة من وحي خيالك
ترسمني وانا قدامك … أبيض واسود بلونين
واضح جدًا وصريح من غــــير لف و دوران
لو بيتي بخيش وصفيح ولا قصر وله عــمدان
واعيش مرتاح البال فاتل صبري علي حــــبال
لو غـدر العمر ومال يتقال طول عـــمره أمين