لساتك مستنية
بعد غيابه الطويل
لساتك مستنية والليل أطول بكتير
سايب ليكِ ورقة مكتوب فيها كلام
مش حديث وغرام
دى حاجات محتاجة تفسير
والوعد اللى قاله حالف ما يخلف
ومين كان يدرىٰ بالقدر والمصير
سابك وقلبه متشعلق فيك
وعارف أنه عمره ما نسيك
وراجع ليوم يلاقى
أنت زى ما أنت ما فيش تغيير
فى الغربة شاف أوجاع
اتمرمط وخاف وجاع
لاجل يجيب ليك
أساور ذهب وحرير
لساتك مستنية
وعندك أمل يوم رجوع
ويوم اللقا يوم ممنوع
لا سؤال فيه ولا تبرير
لساتك مستنية
حطى الحنة فى أيديك
والبسى خلاخيل فى رجليك
وعدى على دخان التبخير
لساتك مستنية
افتحى مكتوبه واقريه
كاتب كلام كله حنية
عارف أنك مستنية
حبيبتي الغالية
بعد التحية والتقدير
فى يوم راجع ليكِ
راهن حياتى فدا عينيكِ
غصب عنى كان فراقنا
ذنب قلبى لما حبك
حب قلبك من غير تفكير
صدقيني غيابى مش حيطول
راجع راجع ياحبى الأول
يا كل العمر يا حبي الأخير
