عفويات

عفويات

بقلم: عادل عوف

وبتخرج من هذا بذاك
مع ناس في الغالب قلقاك
متطمن إنك على عهدك
فتساعد كل اللي أذاك
شباك
من أوضتك على الشارع
عمدان النور آخر السهرة
بيتلموا تحت البلكونة
مركونة مشاعرك من فترة
على الرف
وجوا الكرتونة
مع چاكت ساكت من يومها
كان شاهد حضنك
ووداعى
كان واعي
لكل اللي بيحصل
كان عارف إنك هـتفوتني
الچاكت دائمًا بـيظبطنى
مع ريحة عطرك على كتفه
واحلف له
على الختمة دي صدفة
فيه صدفة بـتتكرر يومي
بتـداومى
على غيابك داومى
بتـقاومي مشاعرك
طب قاومي
أنا جدًا زيك من يومها
مش فارق ويايا فراقك
بشتاقك
يمكن أحيانًا
أو يمكن
بشتاق للچاكت