أنا نفسي أغمض وأحلم
والاقيكِ يا أمي في بيتي
ونعيد ذكرى حلوة فاتت
يا أحن من شافت عيني
وافتح باب البيت وانادي
وأقول يا أماه أنا جيت والاقي
نظرة عنين لمَّاحة
بتحس بقلب حبيب
وتحول تعبها لراحة
وتخلي أملها قريب
أنا فاكر يا أمي رحيلك
وفراقك وشهقت ويل
ونبضك يا أمي في إيدي
ووداعك في نص الليل
أنا مؤمن بقدر الله
وحياتي معية معاه
وأمانة تُرد لربي
والرد أقول رحماه
وأرفع إيدي لربي وأناجي
وأدعيلك يا اماه بدعواتي
يجعل رعايتك لينا
وتعبك سنين بحنين
ضحيتي كتير وشقيتي
وبركة دعاك ماشين